VEGIÐ ÓMAKLEGA AÐ HYRNINGARSTÉTTUM OG HYRNINGARSTÖRFUM KRISTILEGS SIÐAÐS MANNFÉLAGS - HYRNINGARSTÖRFUM MANNÚÐAR, BJÖRGUNAR OG UPPFRÆÐSLU:

Störf líknar, miskunnar, björgunar, og uppeldis og fræðslu, eru vanmetin, á mjög ómaklegan hátt, af hálfu marxískrar forræðishyggju „hins pólitíska rétttrúnaðar“ og kemur nú sérstaklega fram í boðuðum fjárlögum fyrir næsta ár, varaðndi siðblindan niðurskurð til velferðar og björgunarstarfa - göfug hyrningarstörf kristilegs siðaðs mannfélags, og samanstanda einkum af hefðbundnum kvennastörfum, einkum hjúkrunar, líknar, ummönnunar, uppeldis- og fræðslu, auk starfa lækna, presta/forstöðumanna, bráðaliða, sjúkraflutningarmanna, lögreglumanna, auk annarra björgunarsveitarmanna. Þessi göfugu hyrningarstörf, eru dýrmæt dæmi um þann fjársjóð, sem mölur og ryð fær aldrei grandað, - einn dýrmætasti arfur kristinnar kærleikstrúar aldanna - andstætt framagirnd forræðishyggjunnar og „auðæfaoflætisins“. Hvílík mannfyrirlitning og í raun ekki síður kvenfyrirlitning, því konur eru einnig menn!
Enda bitnar mannfyrirlitning marxískrar forræðishyggju, ekki síst á svívirðilegan hátt á mæðrum og verðandi mæðrum sem og mæðravernd og ungbarnaeftirliti! Mannréttindi mæðra og barna þeirra sem og feðra, eru fótum troðin, af þeirri forræðishyggju, sem metur mannslífið einskis, þ.m.t. mannslíf hins barna, fæddra sem ófæddra!!! Því miður komu slík dæmi fram í Kastljósi Sjónvarps, fimmtudagskvöldið, þann 4. mars sl. Að ekki sé talað um að úthýsa fárveiku barni af gjörgæsludeild Barnaspítala Hringsins, beint vegna siðblinds niðurskurðar til heilbrigðismála, fyrir árið 2009, og kom fram í Íslandi í dag Stöðvar tvö, sl. vor!!! Og hinn siðlausi niðurskurður, einkum til líknar- og heilbrigðisþjónustunnar mun aukast verulega, nái boðað fjárlagafrumvarp í gegn, með miklu atvinnuleysi, og verður mannfélaginu miklu dýrara, þegar upp er staðið, fyrir utan þann þátt, sem aldrei, aldrei verður metinn til fjár!!!

Andstæða þessa miskunnarleysins, eru fórnfús störf þeirra: sem leggja sig fram um að veita hinum sjúku umönnun og líkn, og bjarga lífi þeirra; sem sinna löggæslu- og björgunarstörfum; uppfræðslu; sálgæslu o.s.frv.
Þá má ekki síst nefna þann dugnað þeirra kvenna, sem auk hjúkrunarstarfa sem og annarra starfa, hafa stofnað fyrirtæki varðandi heilbrigðisþjónustu og heilsueflingu, m.a. innan fyrirtækja. Hér er ekki síður um göfug störf heilsueflingar að ræða, og að fyrirbyggja veikindi, sem skilar sér margfallt til mannfélagsins, á margþættan hátt, í dýpstu kærleikans merkingu þess orðs!!!

Mannvinurinn og kristniboðslæknirinn, Alberts Schweitzers, kemst m.a. svo að orði:

,,Framtíð mannkyns veltur á því, að sérhver maður, hvert sem starf hans er, leitist við að sýna, hvað sönn mennska er. Það sem menn láta ógjört í þessu efni, er vanræksla, en ekki örlög." (Sigurbjörn Einarsson/Arnbjörn Kristinsson, 1955, Albert Schweitzer, Ævisaga, bls. 274).

Birt leiðrétt og endurbætt 2. október 2010.

Með vinsemd og virðingu, og óskum um Guðs blessun.

Ólafur Þórisson, cand. theol.