STUÐNINGSYFIRLÝSING VIÐ GEIR JÓN ÞÓRISSON, VARAFORSETA NÁTTÚRULÆKNIGAFÉLGS ÍSLANDS, OG AÐRA FULLTRÚA ÞESS:

            Ég lýsi hér með yfir fullum stuðningi við Geir Jón Þórisson, varaforseta Náttúrulækningafélagsins sem og aðra fulltrúa stofnunarinnar, þar sem hann segir, að loka þurfi Heilsustofnun Náttúrulækningafélags Íslands í Hveragerði, gangi niðurskurðartillögur heilbrigðisráðherra eftir. Kom þetta fram í fréttum Ríkissjónvarpsins sl. kvöld sem og á ve fRíkisútvarpsins. 

Orðrétt segir síðan:    


,,Framlög til reksturs Heilsustofnunarinnar hafa verið skorin niður um 6,7% undanfarin tvö ár eins og annarra heilbrigðisstofnana.  Fulltrúar stofnunarinnar segja að þann 1.júní hafi ráðherra tjáð þeim að þeir fengju 300 milljónir króna á næsta ári,  niðurskurður upp á 46%. Geir Jón Þórisson segir að þetta yrði banabiti fyrir Heilsustofnun í Hveragerði og þar með NFLÍ.

Einn stærsti vinnustaður suðurlands muni loka og milljarða fjárfesting færi forgörðum.“  

(Vefur Ríkisútvarpsins, Fyrst birt: 10.06.2010 19:19 GMT.  Síðast uppfært: 10.06.2010 21:12 GMT; [e-mail]; áherslubreyting ÓÞ).

              

            Svar heilbrigðisráðherra, er hér sem annars staðar, t.d. varðandi niðurskurð á Heilbrigðisstofun Suðurnesja, eftir síðustu áramót, mjög óljóst og misvísandi, og því ekki trúverðugt.  Er ég hins vegar í engum vafa um, að jafn traustur og trúverðugur maður, og Geir Jón Þórisson, fari með rétt mál sem og aðrir fulltrúar stofnunarinnar, sem kemur skýrlega fram í ofangreindum svörum þeirra!           

           
Sannast loks í lokaorðum heilbrigðisráðherra enn frekar, hversu óljóst, misvísandi og ótrúverðugt, svar ráðherrans er:           

,,Álfheiður segist gera ráð fyrir að jafnt verði látið yfir alla ganga á næsta ári. Hinsvegar verði nýr samningur við Heilsustofnunina breyttur.“    (Vefur Ríkisútvarpsins, Fyrstbirt: 10.06.2010 19:19 GMT.  Síðast uppfært: 10.06.2010 21:12 GMT; [e-mail]; áherslubreyting ÓÞ).

 

            Aðeins niðurskurður undanfarin tvö ár, um 6,7% sem og fyrirhugaður niðurskurður um 6,7% til heilbrigðisstofnana, er í raun með öllu óverjandi, hvað þá niðurskurður um 46%.


Með vinsemd og virðingu og óskum um Guðs blessun,      
Ólafur Þórisson, cand. theol.